Маълумот учун, мазкур турдаги мусобақа Марказий Осиёда илк бор ташкил этилади.

Бу ҳақида «Ҳилтон» меҳмонхонасида ўтган матбуот анжуманида маълум қилинда. Унда Халқаро аралаш жанг санъатлари (ИММАФ) федерацияси президенти Керрит Браун, ташкилот бош ижрочи директори Денсин Уайт ва Осиё қитъаси директори Виссам Аби Надер, шунингдек, Ўзбекистон Республикаси Спорт вазири ўринбосари Шахрилло Маҳмудов, Мудофаа вазири ўринбосари Алишер Норбаев ва МОҚ раиси ўринбосари, Ўзбекистон аралаш жанг санъатлари ассоциацияси раисининг биринчи ўринбосари Шерзод Тошматов иштирок этишди.

Анжуман давомида 2024 йилда Ўзбекистонда илк бор ММА бўйича ҳаваскорлар ўртасида Жаҳон чемпионати ўтказилиши расман эълон қилинди. Қайд этиш лозимки, бундай мусобақа Марказий Осиёда илк бор ташкил этилади.