Келаётган ой об-ҳавоси бўйича Ўзгидромет агентлиги хабар берди.

Унга кўра, февраль ойи одатдагидан бироз илиқроқ бўлади. Ўртача ойлик ҳаво ҳарорати меъёр атрофида бўлиши кутилмоқда. Баъзи жойларда меъёрдан 1-1,5 даража юқори бўлиб, 2-4 даража илиқни, шимолда 2 даража совуқ, 1 даража илиқни, жанубда 6-8 даража илиқни ташкил этади.

Февраль ойининг боши нисбатан совуқ бўлиши кутилади. Биринчи беш кунликда ҳаво ҳарорати, асосан, кечалари 0-5 даража совуқ, кундуз кунлари 2-7 даража илиқ бўлади. Баъзи жойларда ҳарорат 0-2 даражагача совуқ бўлади.

Ёмғир ва қор кўринишидаги ёғингарчилик 1 февраль ва 4 февраль кунлари республиканинг марказий ва шарқий вилоятларида, 3 февралда жанубий вилоятларида бўлиб ўтади.

Иккинчи беш кунликда ҳарорат кечалари 0-5, кундуз кунлари эса 8- 13 даражагача кўтарилади.

7-8 февраль кунлари асосан ёмғир кўринишидаги ёғингарчилик бўлиши мумкин.

Ойнинг охиригача ҳарорат ўзгариб туради.

Февраль ойида ёғингарчилик миқдори меъёрдан кам, баъзи жойларда меъёр атрофида бўлиши кутилмоқда.