«Док-1 Макс» фожиаси доирасидаги суд ишининг 29 январь куни бўлиб ўтган мажлисида «Quramax Medical» МЧЖ бош директори судланувчи Сингх Рагвендра Пратарнинг кўрсатмаси тингланди.

Унинг айтишича, тергов жараёнида ноқонуний хатти-ҳаракатлар қўлланилиб, тан жароҳати етказилган. Эндиликда Сингх Рагвендра Пратар босим остида берган кўрсатмаларидан воз кечишини айтган. Бу ҳақида Ўзбекистон Миллий ахборот агентлиги хабар берди.

Хабарга кўра, судлов ҳайъати тергов жараёнида ноқонуний ҳаракатлар амалга оширилгани тўғрисидаги кўрсатувлар бўйича ўзининг ташаббуси билан қарор қабул қилган ва суд тиббий экспертизаси тайинлаган.

Шу муносабат билан судлов ҳайъати 2 февралга қадар танаффус эълон қилган.