Президент бошчилигида ўтказилаётган йиғилишда Тошкент шаҳрида тирбандлик катта муаммога айланиб бораётгани таъкидланди.

Жумладан, айрим кўчаларда иш кунлари ўртача 7-9 баллик, баъзан 10 баллик тирбандликлар кузатилаётгани, баъзиларига 2 карра кўп юклама тушаётгани кузатилган. Йиғилишда ана шу масалага жиддий эътибор қаратилди.

«Шаҳарсозлик ва йўл ҳаракатига масъул барча бўғиндаги раҳбарлар «Шаҳар – пиёдалар учун» деган шиорни ўзининг асосий тамойили қилиб олиши шарт.

Бунда, жамоат транспортига ҳар томонлама устунлик берилиши, автомобиллар эса ҳашаматга айланиши керак», - деб айтган Президент.

Йиғилиш давомида бош вазир ўринбосари A.Ramatov, Транспорт вазирлиги, Тошкент шаҳар ҳокимлигига тизимли ёндашган ҳолда тирбандликлар муаммоси бўйича таклифларни шакллантириш ва Президентга тақдимот қилиш вазифаси топширилди.