Шу мақсадда Қурилиш вазирлиги, Кадастр агентлиги ва «Ўзбеккосмос» бошчилигида республика комиссияси тузилади. Президент раислигида уй-жой, қурилиш, коммунал хўжалиги, транспорт ва экология соҳаларида амалга оширилган ишлар ва устувор вазифалар юзасидан ўтказилаётган видеоселектор йиғилишида бу ҳақида маълум қилинди.

Мазкур комиссия мунтазам равишда ҳудудларнинг аэро ва космик суратларини олиб, таҳлил қилади ва олдинги суратлар билан тафовутларни аниқлайди ҳамда ноқонуний қурилишлар рўйхатини шакллантиради.