Туркиянинг «Нобель» нашриётида нашр этилган ушбу кенг ҳажмли луғат профессор Ҳикмет Кўраш, профессор Фатма Ачик ва филология фанлари доктори Замира Ўзтурк ҳамкорлигида ишлаб чиқилган.

Етти йиллик изланишлар натижасида тайёрланган мазкур қўлланма таржимонлар, академик давралар учун сўнгги йилларда яратилган мукаммал сўз ёрдамчиси бўлиб хизмат қилади. Ундаги ўзбекча сўзлар ҳам кирилл, ҳам лотин алифболарида берилган.

«Ушбу луғат Туркия ва Ўзбекистон Республикалари ўртасидаги мустаҳкам дўстлик муносабатларига бағишланади», – дейилади хабарда.