Тожикистон илк иштирокидаёқ Осиё кубогининг чорак финалига йўл олди. Тожикистонлик футболчилар ўзбек мухлисларига миннатдорлик рамзи сифатида ғалабани Ўзбекистон байроқлари билан бирга нишонлади.

Ўз тарихида илк марта Осиё кубогида иштирок этаётган Тожикистон терма жамоаси дастлабки сенсация муаллифига айланди. Қўшниларимиз нимчорак финалда Бирлашган Араб Амирликларини пенальтилар сериясида мағлуб этиб, чорак финал йўлланмасини қўлга киритди.

Ҳакамнинг финал ҳуштаги чалингандан сўнг тожикистонликлар футболчилар ватандошлари жойлашган сектор олдида ғалабани нишонлади. Ушбу секторда тожикистонлик футбол ишқибозлари билан бирга ўйинни кузатган ва ўйин давомида ва ғалабадан кейин қўшниларни қўллаб-қувватлаган ўзбекистонлик мухлисларга миннатдорлик юзасидан тожикистонлик футболчилар майдон узра Ўзбекистон байроғини ҳам ҳилпиратди.