17 январь куни Миллий гвардия ходимлари пойтахтнинг Чилонзор туманида жойлашган масжидга ташриф буюрувчилар орасида ташқи кўриниши жиноят содир этганлиги учун қидирувда бўлган шахсга ўхшаш фуқарони пайқаб қолган.

Ушбу шахснинг ҳужжатларини текшириш натижасида унинг тахмин қилинганидек Сурхондарё вилоятида туғилган 39 ёшли К. И. эканлиги маълум бўлди.

Мазкур фуқаро ички ишлар органлари томонидан Жиноят кодексининг 122 («Вояга етмаган ёки меҳнатга лаёқатсиз шахсларни моддий таъминлашдан бўйин товлаш») ва 169 («Ўғрилик») моддалари асосида қидирувга экани эълон қилинган.

Қўлга олинган шахс ички ишлар органларига топширилди.