Қатағон қурбонлари хотираси давлат музейи офисининг янги биноси деворида истеъдодли дизайнер ва рассомлар томонидан жадид маърифатпарварларига бағишланган махсус мурал яратилди. Бу ҳақда Миллий масс-медиани қўллаб-қувватлаш ва ривожлантириш жамоат фонди хабар берди.

Маълум қилинишича, муралда Маҳмудхўжа Беҳбудий, Мунавварқори Абдурашидхонов, Абдурауф Фитрат, Абдулла Авлоний, Абдулҳамид Чўлпон ва Абдулла Қодирий каби жадидчилик ҳаракатининг энг ёрқин вакиллари суратлари акс этган. Мазкур мурал «Шаҳидлар хотираси» ёдгорлик мажмуасининг бир қисмига айланади.