Республика Маънавият ва маърифат марказида ходимлар учун “Маънавиятни янги куч, янги ҳаракатга айлантириш омиллари” мавзусида “Маърифат соати” ўтказилди.

Унда Давлат бошқаруви академияси кафедра мудири, социология фанлари доктори, профессор, “Маърифат” тарғиботчилар жамияти аъзоси Мансур Бекмуродов иштирок этди.

Учрашувда Президент Шавкат Мирзиёев раислигида 2023 йил 22 декабрда ўтказилган Республика Маънавият ва маърифат кенгашининг кенгайтирилган йиғилишида илгари сурилган маънавий-маърифий соҳа билан боғлиқ ташаббуслар ва уларни амалга оширишда эътибор берилиши керак бўлган жиҳатлари ҳақида сўз борди.

Қизғин, савол-жавоб руҳида ўтган бундай “Маърифат соат”лари келгусида ҳам ташкил этилиши таклиф қилинди.