Тарихчи Михаил Смолин НТВ телеканали орқали чиқишида Марказий Осиё халқлари тарихини ҳақорат қилди.

У қозоқ ва ўзбек халқи 1917 йилгача мавжуд бўлмаган дея даъво қилди.

«Қозоқларнинг келиб чиқишига қаранг, дастлаб ҳеч қанақа Қозоғистон бўлмаган. Улар РСФСР таркибида бўлган. Масалан, инқилобгача ўзбеклар ҳам бўлмаган. Ўрта Осиёдаги бир нечта халқларни бирлаштириб ўзбекларни ҳосил қилишган», деган Смолин.

Собиқ депутат Расул Кушербаев россиялик тарихчининг сўзларига муносабат билдириб, бунга ўхшаш маълумот тарқатаётган каналларни чеклаш кераклигини таъкидлаган.

«Бундай ҳаракатлар фонида биз ҳеч бўлмаса биринчи галда ўз жамиятимизни хуружлардан сақлаш учун рус пропагандаси билан шуғулланаётган барча каналларни чеклаш ҳақида бир тўхтамга келишимиз керак. Буниси энди ошиб тушди» дея ёзади у.