Экология вазирлигига қарашли Ҳисор давлат қўриқхонаси ҳудудида ўрнатилган фотоқопқонга Туркистон силовсини болалари муҳрланди.

Туркистон силовсини заиф, камайиб бораётган, мозаик тарзда тарқалган кичик тур сифатида Табиатни муҳофаза қилиш халқаро иттифоқи Қизил рўйхати ҳамда Ўзбекистон Қизил китобига киритилган. Ўзбекистонда бу тур Ғарбий Тян-Шан ва Помир-Олойда яшайди.

Ҳисор қўриқхонаси ҳудудида ўтказилган кузги саноқ натижаларига кўра, 191 бош Туркистон силовсини рўйхатга олинган. Муҳофаза этиладиган ҳудуд ходимларининг таъкидлашича, силовсинларнинг сони кўпаймоқда.