Ўзбекистон Республикаси Маданият вазири Озодбек Назарбеков ўзининг Telegram-каналида вазирлик ходимлари эндиликда иш фаолияти давомида дўппи кийишни режалаштирганларини маълум қилди.

Вазир юртдошларимизни 8 декабрь – Конституция куни билан табриклаб, ушбу ташаббус орқали миллий анъаналарни тарғиб этишда намуна кўрсатиш мақсад қилинганини таъкидлаган.

«Барча соҳа вакиллари, ижодкорлар, ватан фидойиларини, кўнгиллиларни ушбу ташаббусни қўллаб-қувватлашга чақириб қоламан. Қомусимиз ҳимоялаган яна бир қадриятимизни ҳаётга қайтаришга шошилинг», – деган Озодбек Назарбеков.