Фавқулодда вазиятлар вазирлиги 2024 йил 16 январь куни Россиянинг Самара вилоятида юз берган йўл-транспорт ҳодисасида уч нафар Ўзбекистон фуқароси ҳалок бўлганини тасдиқлади.

Юк машинаси билан тўқнашиб кетган «Лада Ларгус» автомашинаси салонидаги ети нафар Ўзбекистон фуқаросидан уч нафари ҳалок бўлган, тўрт нафари турли жароҳатлар билан касалхонага ётқизилиб, даволанмоқда.

Хабарда айтилишича, Фавқулодда вазиятлар, Ташқи ишлар, Ички ишлар, Соғлиқни сақлаш ва Транспорт вазирликлари, шунингдек, Ташқи меҳнат миграцияси агентлиги томонидан вафот этган ва жабрланган фуқароларни Ўзбекистонга олиб келиш юзасидан керакли барча зарур чоралар кўрилмоқда.