Савдо-саноат палатаси раисининг биринчи ўринбосари Ислом Жасимов 66 ёшида вафот этди. Бу ҳақда палата ахборот хизмати хабар берди.

Ислом Жасимов 1957 йил 24 мартда Тошкент вилоятида туғилган.

1986-2017 йиллар давомида прокуратура органлари тизимида фаолият кўрсатган.

1993 йилда “Ўзбекистон Республикаси фахрий ёрлиғи”, 2001 йилда “Шуҳрат” медали ва 2017 йилда “Дўстлик” ордени давлат мукофотлари ҳамда 2020 йилда – қонун устуворлигини мустаҳкамлашга қўшган ҳиссаси учун “МДҲ Бош прокурорлари мувофиқлаштирувчи кенгашининг 25 йиллиги” медали билан тақдирланган.