Пойтахтнинг икки кўчаси дренаж тизимларини режа асосида янгилаш ва таъмирлаш учун қисман ёпилди.

Тошкент шаҳрида ёғингарчиликлар оқибатида ҳудудларда сув тўпланиб қолишининг олдини олиш мақсадида дренаж тизимларини режа асосида янгилаш ва таъмирлаш кўзда тутилган, дея хабар берди Тошкент шаҳар ҳокимлиги Матбуот хизмати.

Шу ишлар доирасида, пойтахтимизнинг Бинкат кўчаси тўлиқ, Рихсилий кўчаси 2024 йил 12 январь соат 10:00 дан 14 январь 21:00 гача қисман ёпилди. Ҳаракат Рихсилий кўчасида йўлнинг бир томонидан ҳар икки йўналишда амалга оширилади.

Келтирилган ноқулайлик учун узр сўралган ҳолда, ҳайдовчиларга шу вақт оралиғида айланма йўллардан фойдаланишни тавсия қилинди.