Ўзбекистонда 2023 йил январь ноябрь ойларида йўл-транспорт ҳодисалари оқибатида 2080 киши вафот этган. Бу ҳақда Сенатнинг Мудофаа ва хавфсизлик масалалари қўмитасида ўтказилган мажлисда айтиб ўтилган.

Маълум қилинишича, 2023 йилнинг 11 ойида Ўзбекистон кўчаларида 8693 та ЙТҲ содир этилган. Уларда 2 080 нафар инсон ҳалок бўлган ва 8 055 киши турли даражада жароҳатланган.

«Ушбу йўл-транспорт ҳодисаларининг юз беришига асосан фуқаролар томонидан қонунчиликда белгиланган жавобгарликни менсимаслиги ва амалдаги йўл ҳаракати қоидаларини билмаслиги сабаб бўлмоқда», — дейилади Сенатнинг Мудофаа ва хавфсизлик масалалари қўмитаси хабарида.