14 январь – Ватан ҳимоячилари куни ҳамда Қуролли Кучлар ташкил топганининг 32 йиллик байрами муносабати билан, Урганч туманида Мудофаа вазирлиги ҳарбий хизматчиларига имтиёзли ипотека кредитлари асосида янги хонадонлар фойдаланишга топширилди. Бу ҳақда Мудофаа вазирлиги хабар берди.

Янги объектни фойдаланишга топшириш маросимида Шимоли-ғарбий ҳарбий округ қўшинлари қўмондони генерал майор Фарҳоджон Шерматов, Хоразм вилояти ҳамда туман ҳокимликлари вакиллари, Қуролли Кучлар фахрийлари, бахтли хонадон эгалари ҳамда уларнинг яқинлари иштирок этган.

Тантанали тадбир давомида янги хонадон соҳибларига уйлар калитлари топширилиб, яхши тилаклар билдирилган.