Ўзбекистон ташқи ишлар вазирининг ўринбосари Раҳматулла Нуримбетов Украина элчиси Микола Дорошенко, Беларус элчиси Леонид Маринич ва Туркманистон элчиси Шодурди Мередов билан алоҳида учрашувлар ўтказди.

Ташқи ишлар вазирлиги маълумотига кўра, музокараларда Ўзбекистон билан ушбу давлатлар ўртасидаги сиёсат ва дипломатия, савдо ва инвестиция, транспорт ва логистика, маданият ва туризм соҳаларидаги ҳамкорлик ҳамда халқаро тузилмалар доирасидаги муносабатларини янада ривожлантириш истиқболлари муҳокама қилинган.

Парламентлараро ва минтақалараро алоқаларни мустаҳкамлашга алоҳида эътибор қаратилган.

Жорий йилда турли даражаларда ўтказилиши режалаштирилган қўшма тадбирлар жадвали ва ташкилий жиҳатлари юзасидан фикр алмашилган.