Тармоқларда маданият бошқармаси ходими унга Янги йил байрами муносабати билан берилган совғалар 2 минг сўмдан ошмайдиган, арзон ва сифатсиз маҳсулотлар эканини айтган видео тарқалганди.

Маданият вазирлиги Матбуот хизмати ушбу видеога муносабат билдирди.

«Ижтимоий тармоқларда тарқалган видеода Қашқадарё вилояти маданият бошқармаси Янги йил байрами муносабати билан ходимларига 2 минг сўмлик совғалар бергани ҳақида сўз боради. Ушбу ҳолат жамоатчилик ўртасида муҳокамаларга сабаб бўлди.

Айни пайтда ҳолат юзасидан масъуллар томонидан жойига чиқиб ўрганилмоқда. Ўрганиш натижалари юзасидан қўшимча ахборот берилишини маълум қиламиз», дейилади вазирлик хабарида.