VisaGuide Passport Index дунё паспортлари индексида 2024 йил январь ҳолатига кўра, Ўзбекистон 128-ўринни эгаллади.

Қайд этилишича, Ўзбекистон паспорти мамлакат фуқароларига 31 давлатга визасиз саёҳат қилиш имконини беради. 19 давлат ўзбекистонликларга электрон виза ва яна 32 давлат келганида виза беради. Ўзбекистон паспорти эгалари 144 давлатга саёҳат қилишдан олдин виза олиши лозим.

Марказий Осиё давлатлари орасида Қозоғистон паспорти энг яхши кўрсаткичга эга — 110-ўрин. Қирғизистон паспорти 132-ўрин, Тожикистон паспорти 140-ўрин ва Туркманистон паспорти 167-ўринда қайд этилган.

2023 йилги рейтингнинг мутлақ етакчиси Испания паспорти бўлди. Иккинчи ўринда Германия паспорти. Кучли бешликни Сингапур, Италия ва Франция паспортлари якунлаган.

Рейтингдаги сўнгги ўринларни Ироқ, Покистон, Сурия, Афғонистон, Сомали каби давлатларнинг паспорти банд қилган.