Шавкат Мирзиёев 27 декабрь куни «Оилавий тадбиркорлик тўғрисида»ги қонунга киритилган ўзгартиришни имзолади. Ушбу ўзгартиришга кўра, юридик шахс ташкил этмаган оилавий тадбиркорлик субъектлари эндиликда уч нафар ишчи ўрнига беш нафаргача доимий ишчи қабул қилиши ва улар билан меҳнат шартномаси тузиши мумкин.

Бундан ташқари, бир оилавий корхона иштирокчисига бир вақтнинг ўзида бошқа оилавий корхона иштирокчиси бўлиш ҳуқуқи берилади.

Оилавий тадбиркорлик, қонунга кўра, оила аъзолари томонидан таваккал қилиб ва ўз мулкий жавобгарлиги остида даромад (фойда) олиш мақсадида амалга ошириладиган ташаббускорлик фаолиятидир. Оилавий тадбиркорлик юридик шахс ташкил этган ёки ташкил этмаган ҳолда амалга оширилиши мумкин.