Ўзбекистон терма жамоаси ва Москванинг “ЦСКА” клуби ярим ҳимоячиси Аббосбек Файзуллаев IFFHS талқинига кўра 2003 йилда таваллуд топган футболчилар орасида 2023 йилнинг энг яхши ёш футболчиси бўлиш учун номзодлар қаторидан жой олди.

Ушбу номинацияда ғолиб бўлиш учун дунёнинг 26 нафар футболчиси номзодлар қаторидан жой олди. Улар орасида Жуд Беллингҳем (“Реал”), Жамол Муциала (“Бавария”), Гави, Ламин Ямал, Алехандро Балде (“Барселона”) каби номларни учратиш мумкин.

IFFHS халқаро ҳакамлар ҳайъати 120 мамлакат журналистлари ва футбол экспертларидан иборат. Ғолиб номи 2024-йилнинг январь ойида эълон қилинади.