Санепидқўмита “совуқ урган” маҳсулотларни истеъмол қилиш саломатлик учун хавфлими деган савол жавоб берди.

Ҳар бир озиқ-овқат маҳсулоти техник жиҳатдан тартибга солиш ҳужжатларига – СанҚваН, ГОСТ (давлат стандарти), ташкилот стандарти асосан сақланишининг муайян талаблари белгиланган, деб ёзади ташкилот ахборот хизмати.

Унга кўра, ҳар бир маҳсулот қоида ва нормаларда белгиланган маълум ҳарорат ва ҳавонинг нисбий намлигида сақланиши лозим. Совуқ тушиши натижасида бозордаги айрим сабзавот ва мева маҳсулотларни совуқ уриши эҳтимоли юқори. Бу маҳсулотлар ўзининг органолептик хусусиятлари – мазаси, таъмини йўқотади ва истеъмолга яроқсиз ҳисобланади. Шунингдек, ушбу маҳсулотларнинг озуқавий қиймати ҳам пасаяди.

“Албатта, улар заҳарланишларга олиб келмайди, лекин барча фойдали хусусиятларини йўқотади ва уларнинг муздан тушгандан кейин сақлаш муддатлари кескин камайиб кетади”, — дейилади хабарда.

Маълумот ўрнида, “Умумий овқатланиш корхоналарига қўйиладиган санитария-гигиена талаблари” 0027-22-сон СанҚваНнинг 79-бандида ҳам УОК (корхоналарда) муздан эритилган ва қайта музлатилган озиқ-овқат маҳсулотлари озиқ-овқат хом-ашёси ва маҳсулотларини қабул қилишга рухсат этилмаган.