Жорий йилнинг 7-18 декабрь кунлари Тошкент шаҳри Юнусобод туманида жойлашган “Saxovat sport servis” мажмуасида оғир атлетика спорт тури бўйича жаҳон чемпионати ҳамда 19-21 декабрь кунлари пойтахтимизнинг “Intercontinental” меҳмонхонасида Халқаро оғир атлетика федерациясининг конгресси ўтказилади.  

Ушбу тадбирлар Ўзбекистон Республикаси Туризм ва спорт вазирлиги, Ўзбекистон Миллий олимпия қўмитаси, Ўзбекистон оғир атлетика федерацияси ва Тошкент шаҳар ҳокимлиги билан ҳамкорликда ташкил этилмоқда.

Жаҳон чемпионатида АҚШ, Буюк Британия, Франция, Германия, Аргентина, Бразилия, Россия, Япония ва бошқа давлатлардан спорт делегациялари иштирок этади. Чемпионатнинг очилиш ва ёпилиш маросимларида республикамиз таниқли маданият ва санъат намояндаларининг дастурий чиқишлари намойиш қилинади.