Ижтимоий тармоқларда Labo ҳайдовчиси юклар устини тўсиш учун байроқдан ёпқич сифатида фойдалангани акс этган фото тарқалди.

Ҳолат юзасидан Андижон вилояти ҳокимлиги изоҳ берди. Унга кўра, автомашина эгаси аниқланган.

“Ҳозирда Андижон вилояти ИИБ ЙҲХБ томонидан ушбу автомашина Шаҳрихон туманида истиқомат қилувчи фуқарога тегишли экани аниқланди. Ҳолат бўйича тегишли тартибда ИИБ ҳамкорлигида ҳаракатлар олиб борилмоқда”, — дейилади ҳокимлик ахборотида.

Эслатиб ўтамиз, июль ойида Давлат байроғи тўғрисидаги қонунга ўзгартириш киритилганди. Унда байроққа нисбатан ҳурматсизлик қилиш ҳолатлари аниқ белгиланганди.