Тошкент вилоятининг Бўстонлиқ туманидаги Оқтош қишлоғида бодом гуллади. Бу ҳақда иқлимшунос Эркин Абдулаҳадов хабар қилди.

Унинг қайд этишича, бу ҳудуд учун оммавий гуллашга ўхшамайди.
 

“Ой давомида юқори иссиқлик тўлқинлари дарахтлар танасига иссиқлик стрессини улашишда давом этмоқда.

Ҳатто тоғларда қишки уйқуга отланган бодом дарахтида қайта фаоллик ҳамда гуллаш даври кузатилибди”, деб ёзади Эркин Абдулаҳадов.
 

Микроиқлим ёки дарахт илдизи атрофида иссиқлик узатиш тизимлари таъсири бўлиши мумкин (дарахт физиологиясида муаммолар борлиги ҳам инкор этилмаган). Шунга қарамай, бу тоғ ландшафти учун жуда ноодатий ҳодиса ҳисобланади.