Ўзбек дубляж санъати оғир жудоликка учради. Бетакрор овоз соҳиби, таниқли дубляж актёри Санжар Саъдуллаев 67 ёшида вафот этди.

Санжар Саъдуллаев 1954 йил 10 июль санасида Тошкент шаҳрида таваллуд топган. Тошкент Давлат театр ва санъат олийгоҳининг драма ва кино бўлимини тугатган.

У ижодий фаолияти давомида «Қиш сонатаси», «Вир ва Зара», «То ҳаёт эканман» каби жуда кўплаб сериал ва фильмларда бош қаҳрамонларга овоз берган, ўзбек шоирларининг юзлаб шеърларни аудио вариантда ўқиган.

"Oyina.uz" жамоаси марҳумнинг оила аъзолари, яқинлари ва бутун ижод аҳлига чуқур ҳамдардлик изҳор қилади.