Ливан пойтахти Байрут шаҳрида дзюдо бўйича ўсмирлар ва ёшлар ўртасидаги ўтказилаётган Осиё чемпионатида Ўзбекистон ўсмирлар терма жамоаси катта фарқ билан биринчи ўринни эгаллади. Бу ҳақида Ўзбекистон Миллий Олимпия қўмитаси матбуот хизмати хабар берди.

Қайд этилишича, икки кунлик баҳслар якунига кўра, Ўзбекистон 9 та олтин, 5 та кумуш, 5 та бронза медали билан умумжамоа ҳисобида биринчи ўринни эгаллаган.

Шунингдек, Қозоғистон терма жамоаси 3 та олтин, 8 та кумуш, 1 та бронза медали билан иккинчи ўринни эгаллаган бўлса, Жанубий Корея 3 та олтин, 1 та кумуш, 7 та бронза медали билан кучли учликни тамомлаган.