2024 йили Қатар давлатида ўтадиган футбол бўйича U-23 Осиё кубогининг финал босқичига қуръа ташланди.

Қуръа натижаларига кўра, Ўзбекистон олимпия терма жамоаси мусобақанинг “Д” гуруҳидан жой олди. Темур Кападзе шогирдлари кейинги босқич йўлланмаси учун Въетнам, Кувайт ва Малайзияга қарши баҳс олиб боради.

Қолган гуруҳлар қуйидагича:

“А” гуруҳи

Қатар;
Австралия;
Иордания;
Индонезия.

“Б” гуруҳи

Япония;
Жанубий Корея;
БАА;
Хитой.

“C” гуруҳи

Саудия Арабистони;
Ироқ;
Таиланд;
Тожикистон.

Қайд этиш керак, мусобақа Париж Олимпиадаси йўлланмасини тақдим этиши билан ҳам аҳамиятли. 2024 йилнинг 15 апрелидан 3 майига қадар давом этадиган турнирнинг 1—3-ўрин эгалари Олимпиадага тўғридан-тўғри йўл олади. 4-жамоа эса Африка қитъаси вакили Гвинеяга қарши плей-оффда майдонга тушади.