Ижтимоий тармоқларда Тошкент шаҳридаги гул дўконларидан бирида маст ҳолатдаги аёл қизини ҳақоратлаб, ургани акс этган видеохабарлар тарқалди. Болалар омбудсмани ҳолат бўйича муносабат билдирди.Унга кўра, ҳолат Мирзо Улуғбек туманидаги “Оқибат” маҳалласи Марказ-1 даҳасида жойлашган дўконда юз берган. Ўша ерда бўлган фуқаролар жараённи видеотасвирга олиб тарқатган.Ҳолат Болалар Омбудсмани томонидан назоратга олинган. Ҳозирда она В.А.нинг ҳаракатларига баҳо бериш юзасидан туман ИИБ томонидан суриштирув ишлари олиб борилмоқда.  “Онасининг бундай зўравонлигидан жабр кўрган қизча Тошкент шаҳар вояга етмаганларга ижтимоий-ҳуқуқий ҳимоя кўрсатиш марказига жойлаштирилган. Онани эса ота-оналик ҳуқуқидан маҳрум қилиш масаласи кўриб чиқилмоқда”, — дейилади Болалар омбудсмани хабарида.