Футбол бўйича Ўзбекистон ўсмирлар терма жамоаси 17 ёшгача бўлган футболчилар ўртасидаги Жаҳон чемпионати 1/8 финалида Англия терма жамоасини мағлуб этди.

Индонезияда бўлиб ўтган учрашувда 2:1 ҳисоби қайд этилди. Терма жамоамиз сафида Амирбек Саидов ва Лазизбек Мирзаев ўз ҳисобига гол ёздириб қўйди. Мирзаев жарима зарбасини қойилмақом тарзда амалга ошириб, супер гол муаллифига айланганини алоҳида қайд этиш керак. Гол видеосини бу ерда кўриш мумкин.

Жамоамиз чоракфиналда Франция—Сенегал жуфтлиги ғолиби билан тўқнаш келади.