21 ноябрь куни ижтимоий тармоқларда Тошкент шаҳар 7-сон клиник шифохонасида шифокор ва фуқароларнинг бир-бирлари билан жанжаллашаётган ҳолати акс этган видеотасвир тарқалган эди.

Ушбу ҳолат юзасидан Жиноят кодексининг 277-моддаси (безорилик) билан жиноят иши қўзғатилди. Ички ишлар органлари томонидан тергов ҳаракатлари олиб борилмоқда.

Бунгача Бош прокуратура мазкур видеохабарда кўрсатилган шахс олий таълим муассасаси талабаси эканлигини маълум қилганди. Шунингдек, Тошкент шаҳар Соғлиқни сақлаш бош бошқармаси ҳам ҳолатга изоҳ берганди.