Кеча, 17 ноябрь куни Тошкентдаги “Ҳумо Арена”да WBC ташкилоти ҳамда Lift промоутерлик компанияси ҳамкорлигида катта профессионал бокс оқшоми ўтказилди.

Кечанинг асосий жангида оғир вазн тоифасида ўзбекистонлик боксчи Баҳодир Жалолов Жанубий Африка вакили Крис Томпсонни биринчи раунднинг иккинчи дақиқасида чуқур нокаутга учратиб, ғалабага қозонди.

Шунингдек, Қудратилло Абдуқаҳҳоров, Миразиз Мирзахалилов, Абдумалик Халоков ва Мужибилло Турсуновнинг ҳам рақибларидан қўли баланд келди.

Натижалар:

Иккинчи энг енгил вазнда (-55,2): Аветис Налбандян (Арманистон) — Викаш Даҳия (Ҳиндистон). Очколар ҳисобига кўра Налбандяннинг ғалабаси;

Ярим енгил вазнда (-57,1 кг): Абдумалик Халоков (Ўзбекистон) — Олександр Егоров (Украина). 2-раундда техник нокаут эвазига Халоковнинг ғалабаси;

Ярим ўрта вазнда (-66,6 кг): Қудратилло Абдуқаҳҳоров (Ўзбекистон) — Маоно Алли (Танзания). 2-раундда техник нокаут эвазига Абдуқаҳҳоровнинг ғалабаси;

Энг енгил вазнда (-53,5 кг): Миразиз Мирзаҳалилов (Ўзбекистон) — Рунқи Жоу (Хитой). Очколар ҳисобига кўра Мирзаҳалиловнинг ғалабаси;

Ўрта вазнда (-72,5 кг) WBC Sentral Asia турнири финали: Анвар Туропов (Ўзбекистон) — Суҳроб Қаюмов (Ўзбекистон). 2-раунддан сўнг Қаюмовнинг ғалабаси қадй этилди;

Биринчи ўрта вазнда (-69,8 кг) WBC International камари учун: Эрмал Ҳадрибей (АҚШ) — Карлос Молина (Мексика). 9-раундда техник нокаут эвазига Ҳадрибейнинг ғалабаси;

Биринчи ярим ўрта вазнда (-63,5 кг) WBC Sentral Asia камари учун: Мужибилло Турсунов (Ўзбекистон) — Янгченг Жин (Хитой). Очколар ҳисобига кўра Турсуновнинг ғалабаси;

Ўрта вазнда (-72,5 кг) WBC Eliminator жанги (12 раундлик): Мейирим Нурсултанов (Қозоғистон) — Хулио Аламос (Чили). Очколар ҳисобига кўра Нурсултановнинг ғалабаси;

Co main event: Иккинчи ўта енгил вазнда (-52,1 кг) WBC вақтинчалик чемпионлик камари учун: Педро Гуевара (Мексика) — Карлос Куадрас (Мексика). Очколар ҳисобига кўра Куадраснинг ғалабаси.

Марказий жанг: Оғир вазнда 10 раундлик жанг: Баҳодир Жалолов (Ўзбекистон) — Крис Томпсон (ЖАР). Биринчи раундда Жалоловнинг ғалабаси.