Ижтимоий тармоқларда “Тошкент” халқаро аэропортида йўловчилар унутиб қолдирган юклар сотилиши билан боғлиқ хайрия акцияси ўтказилаётгани ҳақида маълумот тарқалди.

Шу муносабат билан “Uzbekistan Airports” бошқарув компанияси ахборот хизмати қуйидагиларни маълум қилди.

Ўзбекистоннинг 11 та халқаро аэропортларидан бирортаси, шунингдек, UzCargo vaUzbekistan Airports Handling шўба корхоналари томонидан йўловчиларнинг унутилган юклари сотилмайди ва учинчи шахсларга топширилмайди. Барча йўқолган юклар аэропорт омборларида 3 ой мобайнида сақланади ва сақлаш муддати тугаши билан утилизация қилинади.

“Uzbekistan Airports” сизни ёлғон маълумотларга ишонмасликка ва фирибгарларга пул ўтказмасликка чақиради.