Ижтимоий тармоқларда куёв келинни уйдан вертолётда олиб кетаётгани, ортидан еттита Captiva автомобили кортежи ҳаракатлангани акс этган видео тарқалди.

Тошкент вилояти Йўл ҳаракати хавфсизлиги бошқармаси видео юзасидан ахборот берди. Унга кўра, воқеа Оққўрғон туманида содир бўлган. Кортеж йўл ҳаракати қоидаларини бузган ҳолда бошқа ҳаракат иштирокчиларига халақит бергани таъкидланган.

Ҳайдовчиларга нисбатан 129-модда (Транспорт воситалари ҳайдовчиларининг йўл ҳаракати хавфсизлигига таҳдид солувчи гуруҳ бўлиб ҳаракат қилишда қатнашиши) бўйича маъмурий баённомалар расмийлаштирилган.