Бугун, 9 ноябрь куни Эрон Ислом Республикаси Президенти Иброҳим Раисий рафиқаси Жамиле Аламолхода ҳамроҳлигида Иқтисодий ҳамкорлик ташкилотининг XVI саммитида иштирок этиш учун мамлакатимизга ташриф буюрди.

Тошкент халқаро аэропортида уни Ўзбекистон Республикаси Бош вазири Абдулла Арипов ва бошқа расмийлар кутиб олди.

Шундан сўнг, Олий мартабали меҳмон ўзи учун ажратилган қароргоҳга жўнаб кетди.

Бунгача Тожикистон Президенти Эмомали Раҳмон ИҲТнинг навбатдаги саммитида иштирок этиш учун мамлакатимизга ташриф буюрди.

8 ноябрь оқшомида эса Озарбайжон Президенти Илҳом Алиев Тошкент халқаро аэропортига қўнганди.