Тошкент шаҳрининг Учтепа туманида жойлашган “Ватан” маҳалласида ноодатий меҳмонхона қурилди.

Пойтахт ҳокимлигининг маълум қилишича, кўнгиллилар ташаббуси ва маҳалла аҳолисининг розилиги билан бунёд этилган ўзига хос “меҳмонхона” кўча мушуклари учун яқинлашиб келаётган қиш кунларида иссиқ бошпана вазифасини бажаради.

Ушбу Мушуклар меҳмонхонаси “Мушуккент” лойиҳаси ва Тошкент шаҳар ИИББ ҳимоясида бўлиб, маҳаллада яшовчи болаларни жониворларга меҳрли бўлишга ўргатади.
 

“Ўз навбатида, “Мушуккент” лойиҳаси, “Ватан” маҳалласининг аҳолиси ва кўнгилли фуқароларимизга меҳрга муҳтож жониворларга кўрсатаётган ғамхўрлиги учун миннатдорлик билдирамиз”, дейилади ҳокимлик хабарида.