Италия Республикаси президенти Сержио Маттарелла расмий ташриф билан Ўзбекистонга келмоқда. Ташриф 9−11 ноябрь кунларига режалаштирилган.

“Рим учун Тошкент билан ҳамкорлик Ўзбекистоннинг Европа ва Узоқ Шарқ, Россия ва Хитой ўртасидаги стратегик мавқейи сабаб алоҳида аҳамиятлидир”, дея қайд этади Агензиа Нова агентлиги.

Қайд этиш керак, шу йилнинг 7-9 июнь кунлари Шавкат Мирзиёев расмий ташриф билан Италияга борганди. Давлат раҳбари Кижи саройида бўлиб ўтган музокаралар якунида Сержио Маттареллани мамлакатимизга расмий ташриф билан келишга таклиф этганди.

1997 йилда Италия президенти Оскар Луижи Скалфаро ҳам Ўзбекистонга ташриф буюрган.