Ўзбекистон ҳудудида 3-5 ноябрь кунлари кузатиладиган об-ҳаво маълумоти эълон қилинди.

Ушбу ҳафтанинг биринчи ярмида ёғиб ўтган ёмғирлар ва совуқдан сўнг ҳафта охирига келиб, Ўзбекистонга яна “олтин куз” қайтиб келди.

Бугун ва дам олиш кунлари Ўзбекистоннинг барча ҳудудларида ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол бироздан ўртача тезликкача эсади.

Ҳарорат кечалари 5-10 даража илиқ, кундуз кунлари 19-24, жанубда 25-27 даража илиққача бўлади.

Тошкентда 3-5 ноябрь кунлари ҳаво бироз булутли бўлади, вақти-вақти билан ўзгариб туради, ёғингарчилик кутилмайди. Ҳарорат кечалари 7-10 даража илиқ, кундуз кунлари 20-23 даража илиқ бўлади.