Абдуқодир Тошқулов Термиз давлат университетига ректор этиб тайинланди.

Тошқулов президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимидан (амалда тугатилди) кетган.

Абдуқодир Тошқулов 2010 йилдан Қонунчилик палатаси депутати бўлган, 2017 йил сентябрида Термиз давлат университетига ректорликка ўтган, 2018 йилда сенаторга айланган.

2021 йил январидан эса Олий ва ўрта махсус таълим вазирлигига раҳбарлик қила бошлаганди. 2022 йил декабридаги маъмурий ислоҳотлар доирасида президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимига тайинланганди.

Термиз давлат университетига 2021 йилдан бери Авазжон Мараҳимов ректорлик қилиб келаётганди.