Шавкат Мирзиёев 2 декабрь куни бўлиб ўтган видеоселектор йиғилишида вилоят ҳокимлари ва уларнинг қурилиш бўйича ўринбосарлари уй-жой қурилиши учун пудратчи танлашда 2-3 та ташкилот билан чекланаётгани, сабаби ҳаммаси уларнинг одами эканлигини танқид қилди.

“Ҳокимлар ва уларнинг қурилиш бўйича ўринбосарлари уй-жой ва қурилиш бўйича пудратчи танлашда 2-3 та ташкилот билан чекланмоқда. Нимага десанг, ҳаммаси ўзингни одаминг. Қани қонун устуворлиги, жазо муқаррарлиги? Шу боис келаси йилда давлат ҳисобидан бўлаётган қурилишларда коррупцияга қарши курашиш бўйича янги тизим ташкил этилади. Республика штаби ва вилоят штаблари тузилади. Улар қурилиш нархларини асоссиз ошириш, рақобатни бузиш, тасдиқланган лойиҳаларни ўзбошимчалик билан ўзгартириш ва таниш-билишчиликка йўл қўймаслик устидан қаттиқ назорат ўрнатилади”, – деди Президент.