Навоий вилоятининг олис чўл ҳудуди Томди туманида замонавий ва барча қулайликларга эга Маънавият ва маърифат маскани фойдаланишга топширилди.

Очилиш маросимда кенг жамоатчилик, нуронийлар, ёшлар, Республика Маънавият ва маърифат маркази Навоий вилояти бўлими раҳбари Акрамжон Муқимов, туман ҳокими Қайрат Алдабергенов ҳамда мутасадди ташкилот раҳбарлари иштирок этди.

Маросимда сўз олган Республика Маънавият ва маърифат маркази Навоий вилоят бўлими раҳбари Акрамжон Муқимов ушбу маскан ўзига хос ижодий, ранг-баранг тадбирлар, лойиҳалар амалга ошириладиган, зиёли инсонлар қадами аримайдиган жой бўлиши лозимлигини таъкидлади ҳамда зиё маскани кутубхонаси учун китоблар жамланмасини туҳфа этди.

Шунингдек, масканда ижодкор ва китобхонлар учун кутубхона, туман Маънавият ва маърифат бўлинмаси учун хизмат хоналари бўлиб, қулай шароитлар яратилган.