Жорий йил 15 октябрь куни кечки соат 16:00—17:00 атрофида Самарқанд вилояти Оқдарё тумани Тараққиёт маҳалласидаги хонадонда ис газидан заҳарланиш ҳолати юз берган. Натижада 3 киши ис газидан заҳарланиб вафот этган.

Вафот этганларнинг бири 3-синф ўқувчиси, яна бири эса 4 ёшли бола бўлган.

Бош прокуратура берган маълумотга кўра, мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда. Айни пайтда Жиноят кодексининг тегишли моддалари билан жиноят иши қўзғатилган.