Ижтимоий тармоқларда Хоразм вилояти Хонқа туманидаги хусусий боғчаларнинг бирида тарбиячи болаларни калтаклаётгани акс этган видео тарқалди.

Видеода хонага кирган тарбиячи болаларнинг бошига уриб, уларни ўрнига ётқизаётгани акс этган.

Вилоят мактабгача ва мактаб таълими бошқармаси ҳолат юзасидан муносабат билдирди. Унга кўра, воқеа нодавлат таълим муассасасида содир бўлган.

Тарбиячи тарбияланувчиларга қўпол муносабатда бўлгани ва ички меҳнат тартиб-қоидаларини қўпол равишда бузгани учун у билан тузилган меҳнат шартномаси бекор қилингани айтилади.