2023 йил 1 ноябрдан автомобиль рақамларини рўйхатдан ўтказиш учун тўлов ставкаси оширилади.

Тўлов ставкалари қуйидаги миқдорда белгиланади:

автотранспорт воситаларига рўйхатдан ўтказиш давлат рақами белгилари (РЎДРБ) учун – БҲМнинг 3,5 баравари миқдорида;

мототранспорт воситалари, мотороллерлар ва тиркамаларга РЎДРБ учун – БҲМнинг 1,75 баравари миқдорида;

транзит РЎДРБ учун – БҲМнинг 25 фоизи миқдорида;

яроқсиз ҳолга келган, бузилган ёки шикастланган бир жуфт РЎДРБ ўрнига янги РЎДРБ бериш учун – БҲМнинг 3,5 баравари миқдорида;

яроқсиз ҳолга келган, бузилган ёки шикастланган бир дона РЎДРБ ўрнига янги РЎДРБ бериш учун – БҲМнинг 1,75 баравари миқдорида.

Ўзбекистонда сўнгги маротаба давлат рақами белгиларини бериш учун тўлов миқдори 2011 йилда белгиланган ва шундан буён ўзгармаганди.