Навоий вилоятида Нехиа-2 ағдарилиб кетиши оқибатида, фожиали йўл-транспорт ҳодисаси содир бўлди. Бу ҳақда вилоят Йўл ҳаракати хавфсизлиги матбуот хизмати хабар берган.

Маълум қилинишича, воқеа 20-октабр куни Томди туманида содир бўлган. ЙТҲ оқибатида 2 киши воқеа жойида, яна 1 киши кўрсатилган тиббий ёрдамга қарамасдан шифохонада вафот этган.

Ҳодиса сабаби ўрганилиб, Нехиа-2 ҳайдовчиси тезликни ошириши оқибатида бошқарувни йўқотиб, автомобиль йўлдан чиқиб кетгани аниқланган. Ҳолат юзасидан Томди тумани ИИБ томонидан терговга қадар текширув ҳаракатлари бошланган.