Қозоғистон полицияси Чимкентдаги ғишт заводларида ноқонуний равишда ушлаб турилган 60 дан ортиқ Ўзбекистон фуқаросини меҳнат қуллигидан озод қилгани ҳақида хабар берилганди. Ўзбекистон Ташқи меҳнат миграцияси агентлиги ҳолат юзасидан баёнот берди.

Ташқи меҳнат миграцияси агентлигининг Чимкент шаҳридаги вакили томонидан Каратау тумани полицияси бўлимида ушбу фуқаролар билан суҳбат ўтказилган.

Уларга ҳуқуқлари ҳақида тушунтирилишлар олиб борилган. “Фуқароларнинг асосий қисми паспортлари қайтариб берилса, ватанга қайтишини, иш берувчига нисбатан эътирозлари йўқлигини билдирган”, — дейилади агентлик хабарида.