4 октябрь куни Тошкент вилоятининг Янгийўл туманида такси ҳайдовчиси бўлиб ишлаган 25 ёшли йигитни ўлдириб, унинг машинасини ёқиб юборишда гумонланган шахс ушланди.

Бош прокуратуранинг хабар беришича, у жиноят иши доирасида Жиноят кодексининг 97- (Қасддан одам ўлдириш) ва 267-моддалари (Транспорт воситасини олиб қочиш) билан гумонланувчи тариқасида жалб қилинган.

Аниқланишича, ҳолатга ўртадаги пул қарзи сабаб бўлган. Тергов давом этмоқда.

Эслатиб ўтамиз, марҳумнинг жасади ёнаётган машинадан 300 метр узоқликдан топилган.