Республика Маънавият ва маърифат маркази, Ўзбекистон Ёзувчилар уюшмаси, Маданият, Мудофаа, Ички ишлар ва Фавқулодда вазиятлар вазирликлари, Давлат хавфсизлик хизмати, Миллий гвардия, Фанлар академияси Тарих институти ҳамда Ўзбекистон композиторлари ва бастакорлари уюшмаси ҳамкорлигида ҳарбий хизматчилар ўртасида “Тарих билимдони”, “Энг яхши ҳарбий қўшиқ ижрочиси”, “Энг яхши ёш адиб” ҳамда “Энг яхши ёш шоир” танлови ўтказилди.

Танловни ўтказишдан мақсад ҳарбий хизматчиларни ҳарбий-ватанпарварлик, она Ватанга муҳаббат ва садоқат, миллий руҳ, миллий ғурур туйғуларини кучайтириш, интеллектуал ва ижодий салоҳиятини янада ривожлантиришдир.

Кўрик-танловларнинг вазирлик ва идора босқичи 2023 йилнинг июль-август ойида ўтказилган бўлиб, унда Давлат хавфсизлик хизмати, Мудофаа, Ички ишлар, Фавқулодда вазиятлар вазирликлари ҳамда Миллий гвардия ҳарбий хизматчиларидан иборат жами 4 минг нафар иштирокчи қатнашди.

Танловларнинг республика босқичида ҳар бир йўналишдан вазирлик ва идора босқичида ғолиб бўлган бир нафардан иштирокчилар қатнашди. Тажрибали педагог, олим, санъаткор, шоир ва ёзувчилардан ташкил топган Ҳакамлар ҳайъати аъзолари иштирокчиларни муносиб тарзда баҳолаб боришди.

Ғолиб ва совриндорларни тантанали тақдирлаш маросими 5–6-октабр кунлари Қуролли Кучлар академиясида бўлиб ўтди. Танловларда муносиб иштирок этиб, ғолиб деб топилган қатнашчилар диплом ҳамда эсдалик совғалар билан тақдирланди.

“Энг яхши ҳарбий қўшиқчи” танловининг республика босқичи ғолиб ва совриндорлари:

1-ўрин – Жиянов Салихўжа Чирчиқбай ўғли, ФВВ Махсус муҳандислик қурилиш бошқармаси ҳарбий хизматчиси кичик сержант

2-ўрин – Ҳабиев Шаҳбоз Алижон ўғли, Ўзбекистон Республикаси Миллий гвардияси ҳарбий хизматчиси, оддий аскар;

3-ўрин – Ҳалимқулов Ҳусниддин Фахриддинович, Ўзбекистон Республикаси Давлат хавфсизлик хизмати ходими.

“Тарих билимдони” танловининг республика босқичи ғолиб ва совриндорлари:

1-ўрин – Иномов Одилжон Улуғхўжа ўғли, Ўзбекистон Республикаси Давлат хавфсизлик хизмати ходими;

2-ўрин – Давронов Алижон Амонович, Ўзбекистон Республикаси Жамоат хавфсизлик университети курсанти;

3-ўрин – Қаюмов Миржалол Эркинович, ИИВ Қоровул қўшинлари қўмондонлиги шартнома бўйича ҳарбий хизматчи, кичик сержант.

“Энг яхши ёш адиб” танловининг республика босқичи ғолиб ва совриндорлари:

1-ўрин – Аширбоев Бекзод Юрсин ўғли, Шарқий ҳарбий округ 34432-сон ҳарбий қисм муддатли ҳарбий хизматчиси, оддий аскар;

2-ўрин – Ўринбоев Азизбек Муҳаммадамин ўғли, ИИВ Қоровул қўшинлари 7531-сонли ҳарбий қисм шартнома бўйича ҳарбий хизматчи оддий аскар;

3-ўрин – Абролов Ёрқинбек Ғанишер ўғли, ФВВ Академияси 1-курс курсанти.

“Энг яхши ёш шоир” танловининг республика босқичи ғолиб ва совриндорлари:

1-ўрин – Бахтиёров Фаҳриёр Акромжон ўғли, Ўзбекистон Республикаси Жамоат хавфсизлик университети курсанти

2-ўрин – Авазмуродов Эрали Нурали ўғли, Шарқий ҳарбий округ 07648-сон ҳарбий қисм муддатли ҳарбий хизматчиси, оддий аскар;

3-ўрин – Бурхонов Фазлиддин Абдумўтал ўғли, Ўзбекистон Республикаси Давлат хавфсизлик хизмати ходими.